營養過盛 @ 28 週 ?－20媽媽小天地

今朝要返牛頭角母嬰健康院檢查, 落雨濕濕, 原先預左充足時間搭的士, 仲諗住早 D 到, 點知等左成半個鐘都仲係到等, 的士唔係有人就排牌唔接........有無攪錯呀 !!! 最尾要搭巴士落牛頭角再轉......遲左左半個鐘 !!!! 好彩姑娘都照做, 無 reject 到........

跟程序檢查, 磅重, 量血壓, 驗尿......點知姑娘叫我再過磅一次.....心諗: 唔通有問題 ?!?! 到最後見醫生時, 佢話我今次同上次既重量差多左, 5 星期重左 ~5 kg, 即 1 星期重 1 kg, 對於呢個時期 (27,28 週) 就太多喇, 正常應該 1 星期 1 磅就差唔多............Oh !!! My God !!!!

我而家每朝都有飲鮮奶.......不過醫生話鮮奶好肥, 充滿脂肪同鈣.......最好飲"脫脂" !! 加上我地又成日出去食.........我又有食私家醫生開既維他命同鈣片..........又鐘意食垃雜野............可能因為咁而營養過盛 !!!! 醫生唔係話要減, 但就要注意體重同節制!!!!