第三站: 羅德島 Acropolis－20媽媽小天地

3月27日, Day 7

朝早係酒店食個豐富既早餐, 我地到酒店附近行下……朝早無咩人, 空氣好清新, 我地行過沙灘, 仲見到少數人係度游早水呢!!

下午有時間, 我地搭巴士到附近的 Mount Smith 睇遺跡 ---- 呢個 Acropolis 係公元前 3 世紀起俾島嶼守護神阿波羅既神殿, 不過, 而家就只剩返幾條石柱而已..............書上寫巴士每隔 40 分鐘一班回市中心, 我地當時落住雨, 又無咩特別野睇, 只係逗留左 15-20 分鐘, 就急急腳走番去巴士站, 因為雨越落越大, 仲開始打雷……好恐怖!! 我地係超簡單既巴士站鐘等了又等.......等了再等........, 40 分鐘過去都未見巴士既影, 而馬路經過既車就將 D 水踐起, 個刻超狼狽　!!! 　我地等左 over 1個鐘, 莫講話巴士, 連搵架”吉”既的士都無, 心知不妙……!! 唔理咁多, 折左架的士, 雖然車上已經有人, 但司機都肯俾我地上………我地問番點解等咁耐都無巴士, 司機竟然話 “不要信巴士的時間, 不準的!! 他們可能忘記了!!” 唔係呱!!!!!!!!! 我地可白白等左個多小時呢!!!!!!

<---專程睇的幾條"柱" !!!

<---等左個幾鐘既巴士站!!

<"辛苦"完既報償方法就係飽餐一頓!!!>

返到酒店稍事休息, 我地攞埋行李, 起程搭飛機去 Crete 克理特島. 我地預早左到機場…….機場好細好簡單, 只有數個 check-in counter, 我地等個多小時, 就可上機. Dash 8 小型飛機, size 好細, 只有三十幾個坐位……..其實坐呢類細機都幾驚, 又舊舊地又 shake 得利害, 全程只須 50 分鐘就可 “安全”到達, 總算舒一口氣!!