20媽媽小天地

3月25日, Day 5

個天仲黑麻麻, 我地就起身 check out, 搭朝早 6:30am 既火車返雅典, 又係 5 小時既車程 !! 火車沿途都落梗雨, 但返到雅典就出猛太陽!!   約 12:00 pm 我地係國會大廈個站落車 (因今晚會搭 6 pm 過夜船, 而家仲有時間閒逛下......), 我地落車即見到人頭擁擁, 好多人手揸希臘國旗, 覺得好奇怪.......唔通今日有大 function ??

所有人迫晒去國會大廈個邊, 頭頂時不時仲有戰機同"阿柏奇"直昇機飛過.........嘩嘩嘩 !! 唔駛講肯定係大野 / 大日子 !!  之後番查, 原來 3月25日係希臘脫離被統治之後既"立國紀念日", 唔怪之得咁多人, 有好多小朋友仲著住全套希臘服飾, 好得意 !! 

我地中午見到難得的 "McDonald", 係里面食佐豐富既午餐.......原來香港既麥記真係好平, 呢度一個餐閒閒地都要 5歐,  "特色包"就再貴d......而我地就揀左呢度先有既 Mac Tasty (肥牛肉) 同 Shrimp burger, 好好味 !!

我地再逛左一陣, 就返酒店 pick up 埋d行李, 起程去 Piraeus 碼頭.  6 點鐘既船, 我地未夠3點已到碼頭......仲諗住有時間可以行下..............點知..攞左船飛之後, 要搵個上船既 Gate 先令我地頭痛. 因為港口好大好大, 每個 Gate 都有段距離, 我地須由 Gate 7, 8 行去 Gate 1 上船........聽落好似好容易, 但距離超遠!!!!!!!!   我地拖住行李要行成 40 分鐘, 沿途仲係d 了無人煙既爛地車場, 令人好疑惑究竟我地行得啱唔啱 !!!!!   跟指示去到 Gate 1, 個牌竟然寫住 "Truck Only".......天!! 係咪整估我地 !!  我地唔理咁多, 有私家車駛過就折住問下.........好彩方向啱, 最尾都搵到船既入口, 不過真係一頭問號?!?!?!   上船問過才知, 原來平日有 shuttle bus 由某個 Gate 開出, 但正正今天可能是立國日的關係, 所有人都停工了, 有d 旅客最尾仲要 take taxi 去Gate 1!!!!!!

 <---Piraeus 碼頭個地鐵站都幾靚的 !!!

我地係香港網上 book  船飛 ( 2人房 9x 歐, 4人房 6x 歐), 價錢關係, 我地 book 左4人房, 諗住瞓一晚, 無所謂啦!!  點知去到雅典 Agent 個度先知原來 4人房係要男女分開的, 即我同貴老爺要分開, 仲要同d三唔識七既人同房............我地有d擔心, 有諗住 upgrade 2人房!!! 好彩睇到房我地兩間房只係係隔離, 咁我都安心好多!!  我既同房係兩母女, 佢地會半夜 3點落船, 到時貴老爺仲可以混入來, Haaaaaaaaa.............

船都 OK, 每間房有獨立浴室, 船 size 唔係好大, 只有2個 restaurant 同2 個 lounge. 上甲板望住海其實好舒服, but 唔可以久留, 因勁涷勁大風, 吹到人都顛!! 好彩我地有床可以瞓, 我地見有好多人都只係坐 / 瞓係 lounge 度到天光, 十幾個鐘喎.........我覺得好辛苦呢 !!!!