3月26日, Day 6
我地準時 9 點到達羅德島, 一落船見到藍天白雲, 涼涼地感覺好舒服!! Rhode 是個好特別既地方, 14世紀時期十字軍兵團俾土耳其軍襲擊要退守羅德島, 而十字軍係當時就築起堅固既城牆圍住..........而呢 D 城牆堡壘就保留到今時今日, 形成呢度咁特別既景觀!! 我地落船入城已經見到成排既古老城牆, 感覺好 "酷" !!! 時間尚早, 我地先係酒店 settle down, 酒店好 OK, 位於 New town, 地點都方便.
<---入城喇~~
食個簡單早餐, 我地出發到 Old town. 羅德島景點都主要集中在 Old town, 而且地方不大, 我地主要睇 “伊波頓街” 同 “騎士團長宮殿”, 整個地方都保留左中世紀既軍團建築, 真係好 amazing, 令人嘆為觀止!!!
之後我地閒逛下 old town, 影下相, 係 coffee shop 度 hea下同人吹下水, 好嘆!! 係希臘時間一耐, 要搵食都幾頭痛, 因為知道食黎食去都係個D.................唔係就係包....... 真係好 Dry !! 我地夜晚正在頭痕食d咩, 剛啱見到一間做快餐兼有 “Chinese food”既餐廳, 正合我地心意, 因為好多天無嗅到”米氣” loo……..我地點左Curry chicken rice 同炒飯 set, 有熱辣辣既湯同大大條春卷, 雖然味道遠不及香港既好味, 不過對我地黎講就已經好滿足了!!
另外值得一提既係 羅德島既人好 nice !!! 唔知係咪舒適既環境培養出佢地好善良既人格, 我地總觀遇到既人都好好傾又好好人 !!!
<---消磨了一個下午的 coffee shop.....Hea...
留言列表