20媽媽小天地

終於完成左14天北海道之旅喇, 又係時候寫吓遊記了~~

為左慳D成本, 我地今次無坐直航, 而係坐廉航Jetstar 係大阪轉機, 一家四口每人四程飛機, 機票大概港幣一萬蚊多D, 對比直航要兩萬幾, 平左一半呢!!

不過廉航當然有風險啦, 就係 delay 喇!!   話說我地7月9晚上機既.....但因受颱風影響, 整晚橫風橫雨, 又行雷閃電, 飛機唔可以起飛, 足足 delay 左幾個鐘, 呢個唔關廉航事, 但問題黎喇........我地原本係半夜到大阪關西機場, 等幾個鐘再搭7點係大阪飛北海道既機, 但我地最後到達關西已經係朝早6點了, 仲要過海關攞行利, 無可能趕得到了!!!  同 Jetstar 聯絡, 佢只可以幫我地改搭下午兩點幾既機..........

要留在關西機埸幾個鐘, 只好周圍無聊一番~

好攪笑~~ Haa Haa !

好彩都有少少地方消磨吓....

我地到達北海道新千歲機場時, 已經差不多4點喇 (原先是上午10點左右便到) !! 無左大半日了~~  唔好理咁多, 拿拿聲去 OTS 個counter 度登記, 佢安排車我地去 OTS 公司度辦攞車手續 !!  

好快攪掂我地就起程向富良野出發喇~

呢日天氣唔好 (唔知關唔關颱風事), 一路上都係一陣一陣大雨...........

新千歲去富良野, 全程高速公路, 好好行 ! 去到富良野已經6點幾7點, 好彩個天未黑, 不過好多地方都已經收鋪了.........睇睇行程, 決定先去森林精靈露台 ! 

ニングルテラス 森林精靈露台
http://www.princehotels.co.jp/furano-area/summer/ningle/
富良野市中御料 (富良野王子飯店)
0167-22-1111
12:00NOON〜8:45P.M., 7月1日〜8月31日時間延長（10:00A.M.〜8:45P.M.）
Map Code: 919 553 426

落完雨, 氣溫趺左好多.......好涼呢~

一間一間既小木屋好可愛........加埋黃昏時候亮起晒燈, 真的好靚呢~

我的大, 小精靈 ^^

Kawaii~~

小木屋賣既都係D小精品或 handmade 既野, 好精緻好靚, 不過唔可以影相呀~ 

黃昏好浪漫, 係個唔錯既選擇呀~

我地行左好幾精靈屋, 個天又落起雨黎, 決定起程去食晚餐!  之前上網睇到推介呢間拉麵店, 一於試吓~

らぁめん支那虎拉麵
〒076-0024  北海道富良野市幸町12-6
12-6 Saiwaicho, Furano, Hokkaido Prefecture, 日本
TEL：0167-23-2129 
11:00am~20:00pm

真的無介紹錯!!!  支那虎係一間好地道既小店.........佢地做既麵好好食, 湯底超濃郁, 我地幾個之後食左幾間唔同既拉麵, 都一致認為支那虎最好食!! 大家如果去到附近, 真的要試吓呢~

一模一樣的兩父女 Haaa haaa~

黑麻麻 , 咩黎?!  我點既係黑蒜醬油拉麵.................超~超~超~超濃郁 !

睇佢兩個就知有幾好食.......

支那虎......就係呢度喇~~

俾個 menu 你睇吓...............

食完麵, 我地去隔離既超級市場買D野, 就返酒店喇~

呢間酒店普通, 似青年旅館..........貴爸初頭訂時無睇清楚, 見平便 book 了.....點知後來想改第二間時, 先發現原來取消要俾錢!!!! 無辦法啦.............幸好去到又未係好差 !

同兩個小朋友沖返個熱水涼, 成個人舒服晒......

我地係超級市場見當做既哈密瓜好平, 買左個返來, 不過唔識揀, 太熟喇!!!! 

太熟太甜........no good ar >__<