早排同妹頭做左呢個親子小食, 超簡單, 又好好味.
材料:
急凍酥皮(puff pastry) 1塊可做約18隻
幼砂糖 約 1/4杯
牛油 少量, 先熱溶
做法:
1) 預熱焗爐200C
2) 準備一塊酥皮,稍稍解凍等佢變軟,在表面灑大量砂糖 < 小提醒: 記得墊枱布, 之後容易清理....如果唔係攪到一地都係糖就麻醉喇~~ >
我既小幫手.....好專心.....Haa Haa
見到好多糖嗎 ? 鍾意甜d可以落多d....
3) 兩邊向內摺 1/4,再灑糖。唔好太大力摺, 會摺爛的, 輕輕摺便可
4) 之後再向內摺,再灑糖。留意中間留有空隙先夠位對摺
小幫手在努力加糖中.......
5) 最後摺埋包起放雪櫃冰箱雪 15 分鐘 (我心急, 只雪左一陣間)
6) 攞出來切開一件件, 每件約1 cm
7) 兩面塗上少許已溶牛油,放入焗爐以180度焗20分鐘, 最後8分鐘翻轉另一面繼續焗.....
兩位等食既小朋友........
呢位細小姐........蝴蝶酥未出爐已被的去上床瞓覺!!! 哈哈哈哈~
8) 完成, 金黃鬆脆好好味!!! <小提醒, 每之入爐唔好放大多大密, 一條可分兩次, 每次八至九個左右好喇...因蝴蝶酥要有位俾佢發大!! 我貪快, 一次過放晒落盤....佢地好迫, 發都無位發 !! >
妹頭話好味呀 !!! 不過唔好多吃, 好熱氣.....個晚妹頭食左三隻, 第二朝嘴唇爆晒拆呀~~
留言列表