20媽媽小天地

因為今晚瞓登別, 我地又執齊行李出發......旅程應該太開心, 兩個每朝都瞓到唔願起身! 

我地係酒店食個簡單早餐, 外加尋晚買既時令鮮果! 

今日我地會玩埋伊達時代村同熊牧場.........不過去之前, 先去呢到 - 室蘭鵪鶉園. 呢個係我之前做資料搜集時見到的........係室蘭, 一個專營鵪鶉既地方 ! 佢地有賣自家出品由鵪鶉蛋做既布丁, 係咪聽見都想試呢?!

去到, 辦公室有職員帶我地去小店舖, 佢有幾種唔同味道既布丁, 又有鵪鶉蛋........

鵪鶉蛋有益, 幾種味都買黎試吓~

職員見兩個吱吱喳喳好可愛, 仲送我地兩杯滑滑既雪糕.......嘝嘩~ 多謝晒呀~

食到咁既樣.............?!? 

跟住就起程去伊達時代村~

伊達時代村係我覺得三個 theme park 之中最有趣既 ! 因為忍者不嬲都俾人好神秘既感覺, 好多野都覺得好新鮮好得意.......我地認識最多既都只係忍者亂太郎咋 

周圍環境好靚, Let's go, 帶你返去舊既江戶時代~

一齊去穿梭時空喇~

忍者出現喇! 佢仲教我地點做手既動作~ 

大家都興致勃勃呢~

里面有好多參觀既地方, 周圍行吓影吓相都好開心~

予晴煮飯我食............Haa haa~

有一間間屋仔, 反映以前江戶時代人民既生活~

園內環境好靚呢~

仲有唔同既表演........雖然聽唔明講咩, 不過都大至估到內容既~

忍..忍..忍..忍... 

我地之後去熊牧場, 兩個地方好近, 好快就到! 不過熊牧場要泊底車再轉搭纜車上山~

等纜車時的無聊 

戲劇組演員........

上到山上........好勁既雲海 !

佢有兩個"熊人園",有陣陣既"熊人味"...........黑熊都習慣大家買飼料去餵佢地.............

為左吸引人既注意, 佢地識做唔同既動作.........識 Hello, 識請請..........

下面呢個係放食物, 再伸入去俾熊食.........等佢同你面對面 !

餵食可能好有趣, 但我自己就覺得不太舒服..........因為感覺佢地好可憐啊~ 

睇完熊, 周圍行左陣 (有個賽鴨都幾攪笑~!), 就搭番纜車離開喇~

今晚住登別万世閣, 我地直去旅館 check in..........

跟住見時間仲早, 我地就出去行吓~

周圍都係鬼呀~~

爸爸~ 

傻妹頭~

進入地獄谷.......

周圍都冒煙, 加陣陣硫磺味 .......小朋友要小心呀 !

 係咪因為硫磺令水同石頭都變了奶白色 ??

每次見到呢D天然奇景都覺得好讚嘆~

6點左右, 我地又行番去旅館, 食我地既放題 !!

万世閣係比較多旅行社 book 既溫泉旅館, 價錢平D, 但服務都OK! 我地帶小孩都唔怕嘈到人 ^^  放題吃到飽, 大人小孩都食得好滿足呀~

食飽飽, 我地就拿拿聲換衫出去睇地狱谷鬼花火喇 ! 夏天先有既鬼花火, 一定要睇呢~

黑漆漆既夜空噴起煙火, 好型!!

鬼火咁靚係咪就係咁意思 ?!

原來呢D叫"湯鬼人" !!

小姐們一D都唔怕呢~

我地返到旅館後就去浸溫泉喇!!

万世閣的溫泉都幾舒服呀..............當然唔係環境好靚好清幽個隻, 不過帶住兩隻小鬼我覺得都OK !  兩隻小鬼又點會定定地浸係熱水度呢 ? 佢地係度玩水, 跟住就識左一個韓國小妹妹, 同予晴一樣大..........好巧呢~ 而我地兩個媽媽就因為佢地而識左喇!! 真係友誼無分國界呀!!

我地之後去玩煙花, 咁啱又撞到一齊玩 Hee Hee

好可愛呀~

乾淨舒適, 啱budget 唔多但要帶埋小朋友既我地呀~