20 Nov 2011 - 吉澳, 東平洲一日遊－20媽媽小天地

剛星期日, 參加了貴爸於公司攪既吉澳, 東平洲一日遊...........貴爸想叫我唔好去, 因要坐近兩小時既船程, 佢怕大肚婆辛苦 !! 但我先唔怕呢..................一來真的好想趁行得走得既時候同佢同妹頭去玩多D, 遲D肚再大D, 或生左細B真係想去都唔得呀 !! 二來我連三小時既車程去長隆都OK, 係香港更加唔怕啦, 更何況坐既係大船, 唔係細細隻既"僕僕仔" !! 貪玩既媽媽, 無辦法啊, 嘻嘻~

呢個團係跟油麻地旅遊既, 成團人共有百多人呀........一朝早到大學站集合, 滙合姑媽同姨姨朋友, 浩浩蕩蕩向馬料水碼頭進發 !!

第一個旅遊點係吉澳.......我之前未來過, 完全沒有概念吉澳係個咩地方 !! 上網查番資料, 吉澳地方小小, 只有約二百人居住, 年青既都已經出左市區 !! 落船後碼頭有小小既攤檔售賣土產, 魚乾啦, 菜乾啦, 同埋茶粿........我地行入村都係荒廢左既村屋, 跟住就係呢度最出名既天后廟. 導遊一輪講解, 我地帶住妹頭都無得細心聽, 影吓相算喇~

沿岸邊一個個既魚排, 好寧靜好靚呀~

茶粿, 好多人買架~

入村先~~

<--天后廟就係呢個吉澳廣場後面喇~~

Lunch 既地方, 就係呢度唯一有冷氣既地方: 益民酒家 !! 呢餐風味菜都 OK 架…我幾鍾意佢個柴魚花生粥, 很綿很入味 !! 掛住照顧妹頭食野, 都無影到相 tim !!

哈哈笑既妹頭好可愛~

廟前既木椅.....好有鄉下妹風味 HaaaHaaa~

食飽飽再食個雪糕......

<---幾開心~~

離開小小既吉澳, 上船向東平洲進發~ 食飽飯, 再係海上浪浪吓......人人都昏昏欲睡搵周公去 !!

在船上自誤一番.......

東平洲, 有超過10年無來過喇 ! 還記得10多年前與幾個好朋友一起柴娃娃來等睇日出, 那些年既日子, 回味無窮呀!!!

係船上遠觀既斬頸洲

呢個位於香港最東既島嶼, 充滿奇特既沉積岩, 真的很美麗!! 趁機影多d相, 下次再黎都唔知係幾多年次後 loo..........

沙灘充滿黑黑既碎石仔~~

一片一片既沉積岩, 好型!!

妹頭, 你係咁靚既環境食綿花糖, 係咪特別好味 ?!

咪掛住食, 同我影幅相先啦~~

呢塊石頭, 老過公公婆婆爺爺嫲嫲呀~~

時間關係, 今次只去到更樓石, 對於大肚婆同小朋友, 都夠皮喇 !! 約三點半鐘, 大顆人又浩浩蕩蕩上船離開喇 !!