尋晚妹頭到樓下公園玩....係追雀仔既時候 (佢好鍾意小動物)...佢跑跑跑就唔小心撞左花糟既石膊上, 撞爆了左眼角 !! 貴爸爸睇見事發經過, 心痛死了 !! 佢即刻同佢沖水...勁驚撞到眼球 !!! 返屋企沖涼後爸爸用消毒酒精幫妹頭清潔, 佢當然喊到拆天, 大人都驚...何況小朋友 !! 不過無辦法, 痛一痛好過污糟易發炎 !! 因為位置太近眼睛, 唔可以用紅/藍藥水, 又貼唔到膠布, 遺有放鬆d唔理佢, 等傷口自己乾, 自己埋口 !!  左眼腫左 dup 左, 尋晚變左大細超 !!!

 

 <--有雞蛋仔食,心情先好DD..

 


睇個傷口應該唔會好深, 希望唔好留疤啦 !!! 如果唔係就唔靚女喇 !!!


 

不過小朋友記性短, 有野食有野玩, 呢d痛好快唔記得 !!  我叫貴爸爸唔好唔開心, 唔好內疚, 因為小朋友跌跌碰碰在所難免, 要阻都阻唔黎 !! 不過換著係我......我都肯定心痛屎 !!!

 

後記:  今晚眼角個傷口已經好D.....點知又係公園跌低擦損左邊臉....好彩唔嚴重 !! 唉, 妹頭, 你可唔可以唔好跑咁快, 慢慢行呢?

 


 

腫眼腫面.........但仍然很百厭..........

arrow
arrow
    全站熱搜

    Elaine 發表在 痞客邦 留言(0) 人氣()

    E-mail轉寄