19/8 (六) 天晴
今日因為約左韓國朋友 Hini, 所以唔去遠既地方, 留係市區 shopping. 我地朝早去近酒店既南山韓屋村.........經過紫菜包飯天國, 食個簡便早餐先~
食完野, 出發~~
南山韓屋村唔駛搭車, 步行便可到 ! 不過韓屋村無咩好玩, 我地都只係影吓相, hea 一陣就離開 loo~
南山谷韓屋村 |
(남산골한옥마을) |
首爾特別市中區退溪路34街28 (筆洞2街) |
서울특별시 중구 퇴계로34길 28 (필동2가) |
南山谷韓屋村管理事務所 +82-2-2264-4412 |
南山谷韓屋村 http://hanokmaeul.or.kr (韓) |
伯伯們做緊D傳統既手去藝........呢份工唔錯! 哈哈~
里面真係有學生上堂架~
我地都係靜靜地影吓相, 唔好阻住上堂 !
跟住去左南大門市場.........我主要睇小朋友衫, 所以行E棟同F棟..........之後經過幾間行山鋪頭就買左個韓國 tent !
南大門市場 (남대문시장) |
首爾特別市中區南大門市場4街21 (南倉洞) |
서울특별시 중구 남대문시장4길 21 (남창동) |
公休日: 每週日 |
晏晝就係南大門求其搵間鋪頭, 食左水冷麵同餃子.........好喜歡涼涼既水冷麵, 夏天食一流呀~
行到差不多4點, 我地先搭的士返酒店放底D戰利品......再出發到明洞與 Hini 集合........
可能平時係 facebook 有見, 三個小女孩一見面, 一D都唔生疏呀!! Hini 帶我地去食傳統既韓式烤肉, 好好味呢~
小朋友呢 ? 超興奮的, 不停 bi li ba la......佢地雖然言語溝通唔到, 但完全唔係問題, 一樣可以嘈到拆天!!! 哈哈~
食完飯, 我地搭車上N首爾塔(又叫南山塔), Hini 因為要趕車返屋企, 所以在此 say Goodbye. 而我地預先係 Klook 已買飛, 去到攞飛就上得喇~
晚間亮燈後好靚既南山塔~
塔上望出黎既夜景都好靚 !
有專屬既郵箱, 兩位小姐要寄明信片俾表姐呀~
一場來到, 我地都買個情人鎖 sweet 一下, 哈哈~
留言列表